რა მსგავსებაა მაიას მიერ გაპიარებულ მერსი სულხანიშვილსა და თინა მახარაძეს შორის?

როგორც ვიცით მერსი სულხანიშვილი ფართო მასშტაბით საზოგადოებამ რამდენიმე თვის წინ გაიცნო, გადაცემა „პროფილში“, თუმცა მერსი არ აღიარებს და აცხადებს, რომ ის მანამდეც საკმაოდ პოპულარული იყო თავის სფეროში. მოდის სფეროში?

მერსი თავისუფლად მიყვება მოდის ტენდენციებს და უარსაც არ ამბობს საზოგადოებაში ბრის გარეშე გამოჩენაზე, ის საკუთარ თავს “დიორის“ მოდელებს ადარებს და იშველიებს კოკო შანელს „მოდა, რომელიც ვერ აღწევს ქუჩამდე, ის მოდა არ არის“. მაგრამ ეს იყო მოდას აყოლილი ადამიანის, თუ პოპულარობის მარტივი გზის მპოვნელის განაცხადი? ასეა თუ ისე მისმა საქციელმა გაამართლა, მერსი და მერსის მკერდი უკვე საქართველოში ყოველ მეორე ადამიანმა იცის.

რაც შეეხება თინა მახარაძეს მისი ხელახალი გამოჩენა დაემთხვა ამ პერიოდს. ის მანამდეც საკმაოდ პოპულარული იყო და მის მიერ საქართველოს დატოვებამ ბევრი გაანაწყენა, თუმცა თინა განსხვავებული იმიჯით დაგვიბრუნდა და ასევე საკმაოდ მკვეთრი და თბილისური ხედვისთვის მიუღებელი განცხადებებით. გარკვეული დროის განმავლობაში მას გადაცემა არ გამოუტოვებია და რამდენჯერმე იყო მაიას სტუმარი, სხვადასხვა დისკუსიების დროს, ასევე ამ განხილვებში მერსიც მონაწილეობდა.

თინამ მკაფიოდ გამოთქვა სურვილი შეეცვალა ქართული ხედვა რაღაც საკითხების მიმართ, თუმცა ამას საკმაოდ დიდი გამოხმაურება მოჰყვა.

თუმცა არ არსებობს სიახლე, რომელიც არ იქნება მიღებული საზოგადოების მიერ და ტელევიზია ამის საუკეთესო საშუალებაა, მიბაძო ვინმე განსხვავებულს, განსაკუთრებით კი ახალი თაობისთვის, რომლებიც გამუდმებით ეძებენ ახალს.

დღეს უკვე შესამჩნევია ქუჩებში მოსეირნე ახალგაზრდები, ბრის გარეშე და მრავალი სხვა...